March 2014

Saturday, March 15, 2014

ក្រុមកីឡាបាល់ទាត់អគ្គស្នងការនគរបាលជាតិ ទទួលបានជ័យលាភី ពានរង្វាន់ជើងឯក Hun Sen Cupលើកទី៨ប្រចាំឆ្នាំ ២០១៤ នេះ

រាជធានីភ្នំពេញ ៖ ទីបំផុតទៅបន្ទាប់ពីធ្វើការតស៊ូនៅលើវាលស្មៅអស់រយះពេល៩០នាទី ក្រុមកីឡាបាល់ទាត់អគ្គស្នងការនគរបាលជាតិ បានយកឈ្នះក្រុមកីឡាបាល់ទាត់បៀលបា្រយយូណាយធីត ក្នុងលទ្ធផល២-0 ។លទ្ធផលនេះបានធ្វើឱ្យ ក្រុមកីឡាបាល់ទាត់អគ្គស្នងការនគរបាលជាតិ ទទួលបានជ័យលាភី ពានរង្វាន់ជើងឯក Hun Sen Cupលើកទី៨ប្រចាំឆ្នាំ ២០១៤ នេះ ។

ក្នុងការប្រកួតនេះមានការចូលរួមផ្តល់រង្វាន់ ជ័យលាភី ពីលោក ប៉ា សុជាតិវង្ស អភិបាលរាជធានីភ្នំពេញ និងមានការចូលរូមផ្តល់រង្វាន់ ពីលោក នាយឧត្តមសេនីយ៍ សៅ សុខា ប្រធានសហព័ន្ធបាល់ទាត់កម្ពុជា ព្រមទាំងតំណាងក្រុមហ៊ុនដៃគូរឧត្ថម ផងដែរ ។ Photo: សករាជថ្មីពណ៌ទឹកក្រូច

Photo: KHMER sport

#SB

Photo: សករាជថ្មីពណ៌ទឹកក្រូច

Photo: KHMER sport

#SB

សំរាប់ជ័យលាភី លេខ១ បានទៅលើក្រុមកីឡាកបាល់ទាត់ អគ្គស្នងការនគរបាលជាតិទទួលបានរង្វាន់ ជាសាច់ប្រាក់ចំនួន ៨០ លានរៀល ចំណែកឯ ជ័យលាភី លេខ ២ បានទៅលើក្រុមកីឡាបាល់ទាត់ បៀលបា្រយយូណាយធីតទទួលបានប្រាក់រង្វាន់ជាសាច់ប្រាក់ ចំនួន ៤០លានរៀល និងជ័យលាភីលេខ ៣បានទៅលើក្រុមចំការកៅស៊ូបឹងកេតទទួលបានរង្វាន់ជាសាច់ប្រាក់ ចំនួន ២០លានរៀល។

គួរបញ្ជាក់ផងដែរថា សំរាប់កីឡាក ដែលចាំទីបានល្អជាងគេគឺបានទៅលើកីឡាក ឈ្មោះ ប្រាក់ ភិរុណ មកពីក្រុមអគ្គស្នងការនគរបាលជាតិ ទទួលបានរង្វាន់លើកទឹកចិត្ត ចំនួន១លានរៀល ចំណែក ឯកីឡាកដែលទាត់បញ្ចូលទីបានច្រើនជាងគេ គឺបានទៅលើ កីឡាក ឃួន ឡាបូរ៉ារី មកពី ក្រុមចំការកៅស៊ូបឹងកេត ទទួលបានរង្វាន់លើកទឹកចិត្ត ចំនួន១លានរៀល។

Photo: ពួកគាត់គឺជាអ្នកគាំទ្រក្រុមប៉ូលីសមែន?

Photo: KHMER sport

#SB

ក្រុមបាល់បោះ Oklahoma City Thunder បំបាក់ក្រុម Los Angeles Lakers យ៉ាងចាស់ដៃ

ក្លឹប បាល់បោះOklahoma City បានប្រកួតឈ្នះក្លឹបLos Angeles Lakers ក្នុងក្របខ័ណ្ឌNBA លទ្ធ ផល១៣១ពិន្ទុ ទល់នឹង១០២ពិន្ទុ នៅព្រឹកថ្ងៃសុក្រនេះ។

ក្លឹប Oklahoma City បានបើកទ្វារកីឡាដ្ឋានរបស់ខ្លួន ស្វាគមន៍ក្រុមភ្ញៀវ Los Angeles Lakers ជាមួយលទ្ធផលយ៉ាងត្រចះត្រចង់។ ក្លឹប Oklahoma បានចាប់ផ្ដើម យ៉ាងល្អនៅតង់ទី១ ដោយនាំមុខក្នុងលទ្ធផល ៦០-៤៦។ចូលដល់តង់ទី២ ក្លឹប Oklahoma នៅតែបន្តធ្វើបានល្អដោយរកពិន្ទុនាំមុខ ៧១-៥៦ ដែលសរុបទាំង២តង់ ក្លឹប Oklahoma បានយកឈ្នះក្លឹប Los Angeles Lakers ដោយពិន្ទុ ១៣១-១០២។ កីឡាករ Kevin Durant និងកីឡាករ Russell Westbrook គឺជាអ្នករកពិន្ទុឲ្យក្រុមម្ចាស់ ផ្ទះច្រើនជាងគេ ដោយម្នាក់ៗរកបាន ២៩ពិន្ទុ។ ដោយឡែកកីឡាករ Jodie Meeks គឺជាអ្នករកពិន្ទុច្រើនជាងគេសម្រាប់ក្រុម Los Angeles Lakers គឺ១៩ពិន្ទុ។

គួរបញ្ជាក់ថា ក្រុម Lakers គឺធ្លាប់ជាក្រុមដែលមានភាពល្បីល្បាញ នៅក្នុងក្របខ័ណ្ឌNBAនេះ ប៉ុន្តែក្រុមនេះធ្វើមិនបានល្អទាល់តែសោះសម្រាប់រដូវកាល ២០១៤នេះ បន្ទាប់ពីកីឡាករ Kobe Bryantល្បីឈ្មោះរបស់ក្លឹបLakers មានរបួសមិនអាចចូលលេងឲ្យក្រុមបាន៕

ឃីម ឌីម៉ា វិប្បដិសារី រឿងចាញ់នៅ MMA

នៅ ទីបំផុត ការប្រកួតដ៏ស្វិតស្វាញរបស់កីឡាករកម្ពុជា ឃីម ឌីម៉ា នៅលើទឹកដីប្រទេសម៉ាឡេស៊ី ក្នុងទីក្រុងកូឡាឡាំពួ បានត្រឹមតែស៊ូដល់ទឹកចុងក្រោយប៉ុណ្ណោះ លើរេញMMA ។ ចំពោះលទ្ធផល គឺគេបានបរាជ័យ ដោយការខកចិត្តបំផុត ក្រោមដៃរបស់កីឡាករដែលគេធ្លាប់ឈ្នះរួចម្ដង នៅក្នុងប្រទេសកម្ពុជា។

លទ្ធផលដែល ឃីម ឌីម៉ា ប្រឹងគេចបំផុត ប៉ុន្តែគេចមិនរួចនេះ គឺជាការកាត់ក្ដីដ៏សំខាន់ ដើម្បីកំណត់ថា តើត្រូវដាក់គេបញ្ចូល ក្នុងបញ្ជីខ្មៅ ដើម្បីឲ្យឈប់ឡើងរេញMMA ទៀត ដែរឬទេ? ទោះយ៉ាងណា ក្នុងចំណោមកីឡាករវាយដាក់ទ្រង់របស់កម្ពុជាទាំងអស់ ឃើញតែ ឃីម ឌីម៉ា ម្នាក់ប៉ុណ្ណោះ ដែលមានឱកាសតតាំងជាមួយកីឡាករបរទេសបានល្អមើល បើទោះជាគេមិនធ្លាប់ឈ្នះផ្លូវការទាល់តែសោះ ចំនួន៣លើកកន្លងមក។ ជាក់ស្ដែងក្នុងការប្រកួតកាលពីយប់ថ្ងៃទី១៤ មីនា ដែលទើបនឹងបញ្ចប់នេះ គេឃើញគ្រប់គ្នាថា ការប្រកួត និងក្បាច់ឃ្លេរបស់កីឡាករឃីម ឌីម៉ា មានការរីកចម្រើនជាងមុន។ ប៉ុន្តែគួរឲ្យស្ដាយជ័យជម្នះ ដែលគេប្រថ្នាចង់បានបំផុត គឺមិនអាចទៅរួច បើទោះជាកីឡាករម្ចាស់ផ្ទះ Sainful American ធ្លាប់បានចាញ់គេម្ដង កាលពីប្រកួតប្រដាល់សេរីនៅក្នុងប្រទេសកម្ពុជានោះក៏ដោយ។ ក្រុមអ្នកតាមដាន សុទ្ធតែឃើញដូចគ្នាថា ការប្រកួតដែលប្រើកម្លាំងឃ្លេ និងបោកចំបាប់បែបនេះ គឺជាជំនាញរបស់បរទេស ដែលមិនខុសពីការប្រកួតផ្នែកប្រដាល់ក្បាច់គុនខ្មែរ ដែលជាជំនាញរបស់ខ្មែរនោះ។ អ៊ីចឹងហើយ ទើបការបរាជ័យរបស់កីឡាករ ឃីម ឌីម៉ា ត្រូវគេគិតថា នោះមិនមែនជាចេតនារបស់គេ ដោយសារគេដឹងតាំងតែពីដំបូងថា រវាងកីឡាករបរទេស និងកម្ពុជា គឺកម្ពុជាពិតជាទៅមិនរួចឡើយ សម្រាប់ការប្រកួតបោកចំបាប់ ប្រភេទវាយដាក់ទ្រុងបែបនេះ ព្រោះតែកីឡាករកម្ពុជា ភាគច្រើនចាញ់កម្លាំង ព្រោះខ្វះហូបចុកដិតដល់ និងខ្វះការបំប៉នពេញលេញ។

ងាកមកកាន់ការប្រកួតនៅលើរេញMMA ដែលបានធ្វើឡើងជាមួយកីឡាករ Sainful Americanនោះវិញ ភាគីខាងម៉ាឡេស៊ី បើទោះឈ្នះដោយពិន្ទុ ក៏លទ្ធផលនោះ ឈ្នះមិនដាច់ដែរ បើទោះជាពូកែឃ្លេ និងមានកម្លាំងសង្កត់ល្អជាងឃីម ឌីម៉ា។ សម្រាប់បច្ចេកទេស គឺស៊ីមិនដាច់ជាមួយកីឡាករកម្ពុជាឡើយ ដែលមានន័យថា កីឡាករឃីម ឌីម៉ា ល្អជាងមុន ប៉ុន្តែនៅមិនទាន់កីឡាករបរទេស។ ឃីម ឌីម៉ា បានសម្ដែងអារម្មណ៍សោកស្ដាយភ្លាមៗ បន្ទាប់ពីបរាជ័យ ដែលគេគិតថា កំពុងធ្វើឲ្យគេបាក់មុខ ហើយបាក់មុខ ក្នុងកម្រិតធ្ងន់។ នៅលើហ្វេសប៊ុក គេបានបង្ហោះពាក្យសុំទោស និងសោកស្ដាយជាច្រើន បន្ទាប់ពីដឹងថា ការប្រកួតនៅលើរេញ MMA លើកទី៣ គេនៅចាញ់ បើទោះជាប្រឹងឡើងអស់ពីសមត្ថភាព។តែនៅក្នុងទឹកទីបី កីឡាករម្ចាស់ផ្ទះ Sainful American បានបែកត្រង់ថ្ងាស និងចេញឈាមជាច្រើន ធ្វើឲ្យអាជ្ញាកណ្តាល បញ្ឈប់ការប្រកួតមួយភ្លែត។ ការបរាជ័យលើកនេះ កំពុងធ្វើឲ្យឃីម ឌីម៉ា ប្រឈមនឹងបញ្ជីខ្មៅ បើទោះជាការប្រកួតទាំងមូល អាចនឹងផ្ដល់ឱកាសឲ្យគេបានម្ដងទៀត ព្រោះកំហុសរឿងវាយខុសបច្ចេកទេសកាលពីលើកទី១ ត្រូវគេធីបចោល។ ឃីម ឌីម៉ា ហាក់មិនមានកម្លាំងចិត្តទៀតឡើយ បន្ទាប់ពីការប្រឹងប្រែងដែលគេស្ទុះស្ទារ បានត្រឹមតែកំដរកីឡាករដែលគេធ្លាប់បំបាក់នៅស្រុកខ្មែរម្ដង ត្រឹមចប់ទឹកទី៣។អាជ្ញាកណ្តាល ចំនួន១រូប បានផ្តល់ពិន្ទុឲ្យលោក ឃីម ឌីម៉ា ឈ្នះ តែ២រូប បានផ្តល់ពិន្ទុឲ្យលោកចាញ់។

អវត្តមានរបស់ឃីម ឌីម៉ា នៅលើសង្វៀន កម្ពុជានឹងពិបាកស្វែងរកអ្នកឡើងរេញជំនួស ដោយសារតែក្នុងចំណោមកីឡាករខ្លាំងៗនៅកម្ពុជា គឺពូកែក្នុងប្រភេទកីឡាករប្រដាល់ក្បាច់គុនបុរាណខ្មែរ ឬការប្រកួតវាយដាក់ទ្រុងជាមួយគ្នាឯងប៉ុណ្ណោះ ប៉ុន្តែជាមួយបរទេសទៅមិនរួចឡើយ ដោយសារតែចាញ់ប្រៀបគេ ទាំងកម្លាំង ទាំងបច្ចេកទេស និងកម្ពស់។ មន្ត្រីបញ្ជូន កីឡាករ ឃីម ឌីម៉ា ទៅកាន់ការប្រកួត ថ្លែងថា ឃីម ឌីម៉ា ធ្វើបានល្អអស់ប៉ុណ្ណឹងហើយ ប៉ុន្តែគឺមកកម្លាំង និងស្នៀតជាក់ស្ដែង គេល្អជាឆ្ងាយ ទើបពិន្ទុសរុបធ្លាក់ទៅលើកីឡាករម៉ាឡេស៊ី។

ឃីម ឌីម៉ា នៅមិនទាន់ប្រាកដថា បានទទួលឱកាសឡើងរេញអន្តរជាតិមួយនេះជាថ្មីម្ដងទៀត គម្រប់៤លើកឬយ៉ាងណា ប៉ុន្តែផ្អែកតាមស្ថានភាពដែលគេធ្វើបានល្អ ដោយអាចទប់កីឡាករSainful Americ ឲ្យឈ្នះដោយលំបាក គេពិតជាមានអាទិភាពជាថ្មី ពិសេសក្នុងកាលៈទេសៈដែលកម្ពុជា ហាក់មិនសូវសំបូរធនធានកីឡាករល្អ ដើម្បីទៅតតាំងជាមួយភាគីបរទេសបានបែបនេះ៕

Manny Pacquiao បង្កើនការហ្វឹកហាត់ ដើម្បីយកឈ្នះ Timothy Bradley

កីឡាករប្រដាល់ជើងខ្លាំងសញ្ជាតិហ្វីលីពីន លោក Manny Pacquiao ចាប់ផ្ដើម ហ្វឹកហាត់នៅសហរដ្ឋអាមេរិក ដើម្បីត្រៀមខ្លួនប្រកួតជាមួយកីឡាករស្បែកខ្មៅ Timothy Bradley នៅខែមេសាខាងមុខ។

សារព័ត៌មានWall Street Journal ចុះផ្សាយថា លោក Pacquiao បានចាប់ផ្ដើមការហឹ្វកហាត់ របស់ខ្លួនហើយ នៅទីក្រុង Los Angeles ដើម្បីត្រៀមការប្រកួតជាមួយកីឡាករសញ្ជាតិអាមេរិក Timothy Bradley នៅថ្ងៃទី១២ ខែមេសា ខាងមុខនេះ នៅLas Vegas។ Pacquiao ក្នុងវ័យ ៣៥ឆ្នាំ កំពុងបង្កើនការហ្វឹកហាត់ទាំងផ្នែកកម្លាំង និងបច្ចេកទេសរបស់ខ្លួន ដើម្បីទទួលបានជោគជ័យ លើការប្រកួតនៅពេលខាងមុខ។

Manny Pacquiao ធ្លាប់ប្រកួតចាញ់ Timothy Bradley ម្ដងហើយកាលពីឆ្នាំ ២០១២ ដោយការសម្រេចរបស់អាជ្ញាកណ្តាល ហាក់ដូចជាមានភាពចម្រូងចម្រាស់ ដែលទស្សនិកជន នឹងស្មានមិនដល់។

(Timothy Bradley និងManny Pacquiao)

កាលពីថ្ងៃទី ២៤ ខែ វិច្ឆិកា ឆ្នាំ ២០១៣ Pacquiao បានយកឈ្នះកីឡាករ Brandon Rios ដោយពិន្ទុ។

លោក Manny Pacquiao ជាអ្នកប្រដាល់សំណព្វចិត្តក្នុងទ្វីបអាស៊ី អាយុ៣៤ឆ្នាំ មានកំណត់ត្រាប្រកួត ៦២ដង ដោយឈ្នះ៥៥ ស្មើ២ និងចាញ់៥ ហើយក្នុងនោះ លោកផ្ដួលគូប្រកួតឲ្យសន្លប់ ៣៨ដង។

ចំណែក លោក Timothy Bradley អាយុ៣១ឆ្នាំ មានកំណត់ត្រាប្រកួត៣១ដង ឈ្នះ៣១ដង មិនដែលចាញ់ មិនដែលស្មើ និងវាយគូប្រកួតឲ្យសន្លប់ចំនួន១២ដង៕

ក្លឹបមាន់ខ្នាយមាសTottenham Hotspour បរាជ័យក្រោមថ្វីជើងក្លឹបឥន្ត្រីក្រហម Benfica ក្នុងទឹកដីខ្លួនឯង

ក្លឹប មាន់ខ្នាយមាស Tottenham Hotspourរបស់អង់គ្លេស ទទួលបរាជ័យយ៉ាង អាម៉ាសនៅក្នុងទឹកដីខ្លួនឯង ក្រោយប្រកួតចាញ់ក្លឹបឥន្ត្រីក្រហម Benfica មកពីប៉ទុយហ្គាល់ កាលពីយប់ថ្ងៃព្រហស្បតិ៍ សម្រាប់ក្របខ័ណ្ឌ Europa League។

ក្លឹបមាន់ខ្នាយមាស Tottenham Hotspour បានបរាជ័យ ១-៣ ក្រោមថ្វីជើងរបស់ក្លឹប Benfica។ សម្រាប់ការប្រកួតជើងទី១នៃវគ្គ១៦ក្រុមចុងក្រោយនេះ គឺធ្វើឡើងនៅកីឡដ្ឋានWhite Hart Lane ទឹកដីរបស់ក្លឹបTottenham Hotspour។ គ្រាប់បាល់៣គ្រាប់របស់ Benfica ធ្វើបានដោយកីឡាករ Rodrigo នៅនាទី២៩ និង Luisao នៅនាទី៥៨ និង៨៤។ ចំណែកគ្រាប់បាល់១គ្រាប់របស់ក្លឹប Spour ធ្វើបានដោយកីឡាករ Christian Eriksen។ ចំពោះលទ្ធផល ១-៣ នេះ ធ្វើឲ្យអ្នកគាំទ្ររបស់ក្លឹប Tottenham Hotspour ខកចិត្តយ៉ាងខ្លាំង ដោយសង្ឃឹមតិចសម្រាប់ការប្រកួតជើងទី២ នៅទឹកដីBenficaវិញនោះ។

គួរបញ្ជាក់ថា ក្លឹប Tottenham Hotspurs នឹងត្រូវជួបជាមួយក្លឹប Benfica ម្ដងទៀត សម្រាប់ជើងទី២នៃក្របខ័ណ្ឌ Europa Leagueនេះ នៅថ្ងៃទី២០ ខែមីនាខាងមុខ ដោយការប្រកួតនឹងត្រូវធ្វើឡើងនៅកីឡដ្ឋាន Estadio Da Luz របស់ក្លឹប Benfica ផ្ទាល់តែម្ដង៕

Friday, March 14, 2014

Tiger Street Football ចាប់អុកឡុកខេត្តបាត់ដំបង នៅចុងសប្ដាហ៍នេះ

ពានរង្វាន់បាល់ទាត់ Tiger Street Football 2014 វគ្គជម្រុះតាមតំបន់បានធ្វើដំណើរទៅដល់ទីរួមខេត្តបាត់ដំបង ហើយដោយចាប់ផ្ដើមប្រកួតនៅថ្ងៃទី ១៥ មិនានេះ និង ១៦ មិនា ស្អែកនៅក្នុងបរិវេណផ្សារទំនើបបុរីថ្មី។

តាមការកំណត់ពីអ្នករៀបចំកម្មវិធីតម្រូវយកក្រុមចូលរួមប្រកួតតែចំនួន ៣២ ក្រុមប៉ុណ្ណោះ ប៉ុន្ដែដោយមានក្រុមដាក់ពាក្យចូលប្រកួតលើសការកំណត់ ទើបគណៈកម្មការរៀបចំការប្រកួតបានសម្រេចទទួលរហូតដល់ ៣៨ ក្រុម។ ក្រុមខ្លាំងចំនួន ៦ ទទួលបានសិទ្ធិឡើងមកលេងក្នុងជុំផ្ដាច់ព្រ័ត្រ ដែលរៀបចំនៅទីក្រុងភ្នំពេញ នៅពេលខាងមុខ។

សកម្មភាពប្រកួតនៅព្រឹកនេះ

បញ្ជីឈ្មោះក្រុមចូលរួមប្រកួត
១	ធនាគារស្រូវកម្ពុជាខេត្តបាត់ដំបង
២	បៃតងកម្ពុជា
៣	ស.ស.យ.ក បាត់ដំបង
៤	ស្នងការដ្ឋាននគរបាល ប.ប១
៥	ស្នងការដ្ឋាននគរបាល ប.ប២
៦	ស្នងការដ្ឋាននគរបាល ប.ប៣
៧	ANC FC
៨	Anachak Baitong
៩	Banana FC
១០	BBINS
១១	Bee FC
១២	BMS
១៣	Camera FC
១៤	Chrey FC
១៥	Corner Crown.GMC
១៦	Dana FC (C)
១៧	Dana FC (A)
១៨	Dana FC (B)
១៩	Dombong Kronhung Club
២០	FC Wat Leap
២១	FC Crown
២២	Gabana FC
២៣	Gabana II
២៤	Grace Sports
២៥	Hand FC (B)
២៦	Hand FC (A)
២៧	Happy Man fan (H.M.F)
២៨	Net Yang Hight School
២៩	Norea Team (នរា)
៣០	PTC ព្រៃកូនខ្លា
៣១	PTC ព្រៃកូនខ្លា2
៣២	Seng Say Grrage
៣៣	Super Defenders
៣៤	TNC
៣៥	U.R.C
៣៦	Way To Become a Better Leader (WBBL)
៣៧	We-Friend
៣៨	Youth Play

ផាន់ គ្រាន់ ថាខុន ស៊ីចាន់មិនមែនជាឧបសគ្គ

   ភ្នំពេញ:អ្នកប្រដាល់ផាន់ គ្រាន់ក្លឹបព្រះខ័នរាជបានចាត់ទុកការប្រកួតជាមួយខុន ស៊ីចាន់ក្លឹបកងពលធំអន្តរា គមន៍លេខ ៣ថ្ងៃទី១៥មីនានេះមិនមែនជារឿងព្រួយបារម្ភនោះទេ ។

   អ្នកប្រដាល់ទាំង ២ រូបនេះប្រកួតគ្នាក្នុងប្រភេទទម្ងន់៦០គីឡូក្រាមនៃព្រឹត្តិការន៍ ខ្សែក្រវ៉ាត់ LEO ។ ទាំងផាន់ គ្រាន់ទាំង ស៊ីចាន់សុទ្ធតែវ៉ៃបាន ២ ប្រកួតដូចគ្នាហើយឈ្នះមួយប្រកួត និង ចាញ់មួយប្រកួតដូចគ្នាតែការប្រកួតមួយ នេះនឹងមានម្នាក់បង្កើនស្ថិតិឈ្នះ និង ម្នាក់បង្កើនស្ថិតិចាញ់ ។

   ផាន់ គ្រាន់ជាអ្នកប្រដាល់មួយរូបដែលកំពុងតែធ្វើឲ្យគេលំបាកទប់ទល់ មិនតែប៉ុណ្ណោះមានអ្នកប្រដាល់ជើង ចាស់មិនតិចទេដែលត្រូវផាន់ គ្រាន់បង្ក្រាបបាននោះ ។ ចំពោះស៊ីចាន់ក៏មិនអន់ជាងផាន់ គ្រាន់ដែរ ។

   ពយកគេនឹងប្រកួតគ្នា ៥ ទឹកហើយទាំងអ្នកឈ្នះ និង អ្នកចាញ់ប្រាកដជាទ្រមខ្លួនដូចគ្នាមិនខាន ។ នរណាជាអ្នកបង្កើនស្ថិតិឈ្នះ ហើយ នរណាជាង្នកបង្កើនស្ថិតិចាញ់សម្រាប់ការប្រកួតនេះ ?

កីឡាក ឃឹម ឌីម៉ាចាញ់កីឡាក ម្ចាស់ផ្ទះម៉ាឡេស៊ី ដោយពិន្ទុនៅក្នុងទឹកទី៣ក្នុងព្រិត្តិការណ៏ប្រកួតវាយដាក់ទ្រុង

រាជធានីភ្នំពេញ ៖ កីឡាក ឃឹម ឌីម៉ាដែលតំណាងឱ្យប្រទេសកម្ពុជា បានទៅប្រកួតក្នុងព្រិត្តិការណ៏ វាយដាក់ទ្រុងលើសង្វៀន (MMA) ដែលការប្រកួតនេះធ្វើឡើង ក្នុងទីក្រុងកូឡាឡាំពួ ប្រទេសម៉ាឡេស៊ី គឺបានបញ្ចប់នៅមុននេះបន្តិច។

ជាលទ្ធផល កីឡាក ឃឹម ឌីម៉ាបានចាញ់កីឡាក អាមេរិចខេន ជនជាតិម៉ាឡេស៊ី ដែលជាម្ជាស់ផ្ទះដោយពិន្ទុនៅក្នុងទឹកទី៣។

គួរបញ្ជាក់ផងដែរថាកីឡាករ ឃឹម ឌីម៉ាបានទៅចូលរួមការប្រកួតព្រិត្តិការអន្តរជាតិចំនួន៣លើកហើយ ដោយលើកទី១-ទទួលបានជ័យ ជំនះប៉ុន្តែត្រូវបានឆាចោល ដោយវាយខុស លក្ខខណ្ឌ ,លើកទី២ចាញ់គូរក្រកួតក្នុងទឹកទី១ ចំណែកលើកទី៣ នេះគឺចាញ់គូរប្រកួតដោយពិន្ទុរ។

ការបរាជ័យរបស់កីឡាករ ឃឹម ឌីម៉ានៅលើកនេះគឺជាការអាម៉ាស់លើកទី២ហើយ។

ពាន Hun Sen ធ្លាក់លើកណ្ដាប់ដៃ ប៉ូលិស ឬ បៀលប្រាយ?

សមរភូមិដ៏ក្ដៅគគុករវាង អគ្គស្នងការដ្ឋាននគរបាលជាតិ ទល់នឹង បៀលប្រាយយូណាយធីត ដើម្បីដណ្ដើមតំណែងជើងឯកពានរង្វាន់ Hun Sen Cup 2014 ចាប់ផ្ដើមពីម៉ោង១៧:៣០នាទី ថ្ងៃសៅរ៍ ស្អែកនេះហើយ នៅលើវាលស្មៅពហុកីឡដ្ឋានជាតិ ខណៈស្ថានីយទូរទស្សន៍ BTV News រ៉ាប់រងការផ្សាយផ្ទាល់ប្រកួតដ៏ធំនេះ។

ក្រុមទាំងពីរខាងលើ សុទ្ធតែមិនដែលស្គាល់រសជាតិពានរង្វាន់មួយនេះដូចគ្នា តែ បៀលប្រាយ រាងមានតែមជាងបន្តិចព្រោះធ្លាប់ក្លាយជាជើងឯករងមួយលើកនាឆ្នាំ២០១១ ដែលកាលនោះរងបរាជ័យក្រោមថ្វីជើង ស្វាយរៀង (ព្រះខ័នរាជ) ដោយលទ្ធផល ២-០ នៅវគ្គផ្ដាច់ព្រ័ត្រ។ ម្យ៉ាងវិញទៀត ជំនួបនេះជាការសាកល្បងសមត្ថភាពរវាងគ្រូ (លាស់ សាឡាក់ខាន់) និងអតីតសិស្ស (អ៊ុង កនយ៉ានិត) ផងដែរ។

លោក លាស់ សាឡាក់ខាន់ គ្រូបង្វឹក បៀលប្រាយយូណាយធីត

បៀលប្រាយយូណាយធីត
ហេង សុខលី, ពេជ្រ ស៊ីណា នឹងនៅតែជាផ្លែអាវុធដ៏ស្រួចរបស់គ្រូបង្វឹក សាឡាក់ខាន់ ខណៈប្រធានក្រុម ព្រំ ពុទ្ធសិទ្ធី ដែលរកបានគ្រាប់ជ័យជម្នះកាលវគ្គពាក់កណ្ដាលផ្ដាច់ព្រ័ត្រ ហួរ ឡាវី, ផ្លុង ចន្ធូ និង ចាន់ ឆាយ៉ា ពិតជាមិនអាចខ្វះបាននៅតំបន់បម្រើ។

ខ្សែការពារ ភិន ភារ៉ា, ថៃ ផល្លា, នួន ផានិត, និង រ៉ឹង ប៊ុនហៀង ទំនងនៅតែជាកំផែងរឹងមាំសម្រាប់ បៀលប្រាយ ស្របពេលអ្នកចាំទី សុះ ប្រុសហ៊ីម ដែលមានភាគរយច្រើនក្នុងការទទួលតំណែងអ្នកចាំទីល្អប្រចាំ ព្រឹត្តិការណ៍ នឹងនៅតែជាជម្រើសដំបូងរបស់លោក សាឡាក់ខាន់។

កន្លងមកគេសង្កេតឃើញថា ឲ្យតែរកបានគ្រាប់នាំមុខហើយនោះ កីឡាករបៀលប្រាយស្ទើរតែមួយក្រុម នឹងប្ដូរយុទ្ធសាស្ត្រពីប្រយុទ្ធទៅការពារវិញ ហើយក្បួននេះឯងដែលនាំឲ្យក្រុមសាកលវិទ្យាល័យមួយនេះ បំបាក់ ភ្នំពេញក្រោន និង បឹងកេត ឡើងដល់វគ្គផ្ដាច់ព្រ័ត្រ។

លោក អ៊ុង កនយ៉ានិត គ្រូបង្វឹក អគ្គស្នងការដ្ឋាននគរបាលជាតិ

អគ្គស្នងការដ្ឋាននគរបាលជាតិ

កងកម្លាំងជួរមុខរបស់ក្រុមលោក អ៊ុង កនយ៉ានិត គ្រប់គ្រាន់សម្រាប់ទម្លុះសំណាញ់ទី បៀលប្រាយ។ ខ្សែប្រយុទ្ធ នួន បូរី និង ស្រី ឧត្ដម នឹងសហការគ្នាជាមួយខ្សែបម្រើកំពុងលេចធ្លោ អុល រ៉ាវី, ទិត្យ ឌីណា, លន់ ចំរើន និង ឈិន ម៉េងស៊ាង ដើម្បីរកគ្រាប់ជ័យជម្នះ។

ចំណែកប្រធានក្រុម សាយ ពិសិដ្ឋ, សាន់ ធីដេត, អៀង ទីន និង ស៊ុប រ៉ាវី នឹងក្លាយជារបាំងសំខាន់ការពារគ្រាប់កាំភ្លើងធំរបស់ បៀលប្រាយ។ ក្រុមប៉ូលិស អាចនឹងពិបាកបន្តិចត្រង់អ្នកចាំទី ដោយសារថាកីឡាករវ័យក្មេង ប្រាក់ ភារុណ មិនទាន់មានបទពិសោធន៍ជោកជាំនៅឡើយ។

ទោះជាយ៉ាងណា ប្រធានក្រុម សាយ ពិសិដ្ឋ ធ្លាប់បង្ហើបប្រាប់ Sabay ថា ក្រុមខ្លួនមានសង្ឃឹមច្រើន ក្នុងការបង្កើតប្រវត្តិសាស្ត្រលើកពានរង្វាន់ Hun Sen Cup ជាលើកដំបូង។

ក្រុមប៉ូលិសបានឲ្យដឹងថា ក្រុមរបស់ខ្លួនមិនបណ្តោយឲ្យក្លាយជាក្រុមរងគ្រោះដូចភ្នំពេញក្រោន និងបឹងកេតឡើយ ប៉ុន្តែខាងបៀលប្រាយថា សង្ឃឹមលើកពានរហូតដល់៩០ភាគរយ។ ដូច្នេះច្បាស់ណាស់ថា ក្រុមទាំងពិតជាមិនធ្វើឲ្យអ្នកគាំទ្ររបស់ខ្លួនខកបំណងឡើយ៕

ប្រភព: sabay.com.kh

Pages

M88 ការបង្ហាត់បង្រៀន

Popular Posts