Dirk Kuyt ព្យាយាមបញ្ចុះបញ្ចូល van Persie ឲ្យចាកចេញពីក្លឹប Man Utd ក្នុងខែមករា

Wednesday, September 10, 2014

Dirk Kuyt ព្យាយាមបញ្ចុះបញ្ចូល van Persie ឲ្យចាកចេញពីក្លឹប Man Utd ក្នុងខែមករា

Fenerbahce បានលេចឮព័ត៌មានថាខ្សែប្រយុទ្ធរបស់ខ្លួនកីឡាករ Dirk Kuyt អតីតខ្សែប្រយុទ្ធក្រុម Liverpool កំពុងតែ ព្យាយាមបញ្ចុះបញ្ចូលមិត្តរួមជាតិរបស់គេគឺកីឡាករ Robin van Persie ឲ្យចាកចេញពីក្លឹប Man Utd ទៅកាន់ក្លឹបយក្ស ប្រទេសតួកគីមួយនេះនៅខែមករា ។ ប៉ុន្តែលោកគ្រូបង្វឹកបិសាចក្រហម Van Gaal ត្រូវបានគេជឿជាក់ថាគាត់មានការ ចាប់អារម្មណ៍រក្សាកីឡាករ Van Persie ទុកក្នុងក្លឹប បន្ទាប់ពីប្រធានក្រុមវ័យ ៣១ឆ្នាំរូបនេះដឹកនាំជម្រើសជាតិហូឡង់ ឲ្យទទួលបានចំណាត់ថ្នាក់លេខ៣ ក្នុងព្រឹត្តិការណ៍ World Cup នៅប្រទេសប្រេស៊ីលកាលពីដើមរដូវក្តៅនេះ។
Dirk Kuyt 1

បើយោងតាមការបោះពុម្ពផ្សាយតួកគី Hurriyet ថាក្លឹប Fenerbahce កំពុងតែសម្លឹងរកមើលការគាំទ្រពីកីឡាករក្រុម ជម្រើសជាតិរបស់ពួកគេនិងមានកីឡាកររហូតដល់ទៅបួននាក់បន្ថែមទៀត ក្នុងអំឡុងពេលបង្អួចផ្ទេររដូវរងារនេះត្រូវ បានបើកហើយពួកគេជឿថាអាចនាំកីឡាករ Van Persie មកកាន់ទឹកដីតួគីបានបន្ទាប់ពីមានការមកដល់ពីខ្សែប្រយុទ្ធ Falcao នៅទឹកដី Old Trafford ។ កាសែតនេះអះអាងថាកីឡាករ Van Persie គឺជាអាទិភាពផ្ទេរកំពូលរបស់ក្លឹបនេះ និងបានស្នើសុំឲ្យ Kuyt និយាយទៅកាន់ខ្សែប្រយុទ្ធហូឡង់រូបនេះអំពីការផ្លាស់ប្ដូរទៅកាន់ ប្រទេសតួកគី។
Robin_van_Persie_2685305b

ប្រធានក្លឹប Fenerbahce លោក Aziz Yildirim បានប្រាប់ Hurriyet ថាក្រុមនេះគឺល្អគ្រប់គ្រាន់ក្នុងពេលបច្ចុប្បន្ននេះ ប៉ុន្តែប្រសិនបើចាំបាច់យើងអាចយកកីឡាករបីឬបួននាក់បន្ថែមទៀតនៅក្នុង ខែមករា។ ទោះយ៉ាងណាក្លឹប Man Utd ទំនងមិនលក់កីឡាករ Van Persie ក្នុងប៉ុន្មានខែខាងមុខនេះទេ បើទោះបីជាក្រុមមួយនេះបានចុះហត្ថលេខាជាមួយ ខ្សែប្រយុទ្ធ Falcao របស់ក្លឹប Monaco នៅលើកិច្ចសន្យាខ្ចីជើងក្នុងរដូវកាលនេះក៏ដោយ។